Pretendohet se Husitë, forcat kundërshtuese të qeverisë në Jemen kanë kryer sulm me raketë balistike në kryeqytetin e Arabisë Saudite, Riad, raporton Anadolu Agency (AA).
Agjencia zyrtare e lajmeve SABA nën kontrollin e Husive, në një lajm të bazuar në burimet e forcave ushtarake, ka pretenduar se nga Husitë është lëshuar një raketë balistike “Burkan-2” ndaj bazës ushtarake Selman, që ndodhet në kryeqytetin Riad, në një largësi 1000 km nga kufiri me Jemenin.
Ndër të tjera në lajm theksohet se raketa e lëshuar ka qëlluar në shenjë objektivin dhe se në bazën ajrore Selman janë konstatuar dëme të rënda.
Ndërsa bëhet e ditur se nga forcat e koalicionit nën udhëheqjen e Arabisë Saudite ende nuk është dhënë ndonjë përgjigje në lidhje me pretendimet në fjalë.