Një vajzë e vogël është në pritje të një fëmije. Bëhet fjalë për një 11-vjeçare në Angli, e cila pritet të bëhet nëna më e re që do të sjellë në jetë një fëmijë.
Mediat britanike nuk japin informacione të tjera përsa i përket identitetit të saj dhe kushteve të shtatzënisë, për shkak të moshës së mitur, transmeton Koha.mk.
Mjekët nuk kanë thënë nëse vajza do të lindë me operacion çezarian, duke qenë se trupi i saj ende nuk është i gatshëm nga zhvillimi fizik për të mbajtur deri në muajin e 9-të të shtatzanisë fëmijën. Për momentin, nëna më e re që ka lindur në shtetin ishullor, është Tressa Middleton, që i dha jetë një fëmije në moshën 12-vjeçare, 9 vjet më parë.
