Presidenti i Turqisë Recep Tayyip Erdogan, përmes llogarisë së tij në rrjetin social Twitter, ka shprehur urimin e tij me rastin e 8 Marsit – Ditës Ndërkombëtare të Gruas në mbi dhjetë gjuhë të botës, përfshirë edhe gjuhën shqipe.
“Të gjitha grave të vendit tim e të gjithë botës i uroj gëzuar Ditën Ndërkombëtare të Gruas, 8 marsin”, ka qenë mesazhi i Erdoganit në gjuhën shqipe në Twitter, shkruan AA.
Të gjitha grave të vendit tim e të gjithë botës i uroj gëzuar Ditën Ndërkombëtare të Gruas, 8 marsin.
— Recep Tayyip Erdoğan (@RT_Erdogan) March 8, 2017
Ndryshe, presidenti turk Erdogan përmes llogarisë së tij në Twitter mesazhin me rastin e 8 Marsit deri më tani e ka dërguar edhe në dhjetë gjuhë të tjera botërore krahas turqishtes dhe shqipes, edhe atë në gjuhët malaje, urdu, boshnjake, perse, gjermane, ruse, spanjolle, frënge, arabe dhe angleze.