Do tw promovohet libri në gjuhën shqipe “Ylberi përtej shpirtit” të ambasadorit të Republikës së Sllovenisë në Maqedoni Milan Jazbec. Promovimi i librit do të mbahet të enjten (02.03.2017) në ora 19:00 në Qendrën Kulturore Informative.
Ky roman, që botohet nga Libraria e Çarshisë, paraqet librin e parë në gjuhën shqipe nga një diplomat i huaj, i cili i drejtohet opinionit shqiptar përmes një përkthimi tejet cilësor. Milan është ambasadori i gjashtë i Republikës së Sllovenisë në Republikën e Maqedonisë nga shtatori i vitit 2016 (paraqiti letrat kredenciale të enjten, 28 shtator) dhe gjithashtu profesor i diplomacisë në Universitetin e Lubjanës (ligjërues i diplomacisë në Shkollën Pasuniversitare të Punëve Qeveritare dhe Evropiane në Kranj).