Dhjetë nënshkrimet që dje BDI vendosi që t’ia japë Zoran Zaevit të LSDM-së për marrjen e mandatit për formim të Qeverisë, janë vetëm të karakterit formal dhe kjo nuk do të thotë që janë pajtueshmëri për koalicion, njofton Portalb.mk.
“Për ne, gjithnjë ka qenë e rëndësishme përmbajtja dhe jo forma. Përmbajtja nënkupton që të gjitha kërkesat e shqiptarëve dhe arritjet, ndërkaq forma paraqet dhënie të nënshkrimeve ose pjesëmarrje në Qeveri. Pas arritjes së plotë dhe zbatimin e pakusht të propozim-ligjit për gjuhën shqipe por edhe të gjitha elementet e Deklaratës së Shqiptarëve, nënshkrimet janë vetëm formalitet”, thotë Artan Grubi.