Nga një banesë në bulevardin “Goce Delçev” në Gostivar janë vjedhur para, stoli dhe dy pistoleta në vlerë çrej rreth 20.000 euro.
Sipas zëdhënësit të SPB Tetovë, Marjan Josifovski, vjedhësit e kanë shfrytëzuar mungesën e familjes gjatë ditës së djeshme dhe në periudhën nga ora 7:30 deri në orën 16:00 kanë hyrë në banesë dhe e kanë kryer vjedhjen.
I dëmtuari D.S. 56-vjeçar, ka paraqitur se nga dhoma e gjumit janë marrë dy pistoleta me kalibër 9 dhe 7,65 mm për të cilat ka pasur leje, 50 mijë denarë dhe shumë copë stoli ari. Vlera e gjërave të vjedhura arrin në 1,3 milionë denarë.
Për një javë kjo është vjedhja e dytë në Gostivar. Paraprakisht, nga shtëpia e një qytetari të Gostivarit është vjedhur stoli me vlerë prej reth 30 mijë euro.