Asnjë vend nuk mundet vetë t’i zgjidhë problemet dhe qeveritë mund të bëjnë shumë më tepër për shtetet e tyre nëse punojnë së bashku dhe në bashkëpunim të ngushtë, deklaroi kancelarja gjermane Angela Merkel.
Gjermania kryeson me 20 ekonomi udhëheqëse (G-20), ministrat e të cilëve kanë takim dyditor në Berlin.
Merkel e ka potencuar rëndësinë nga bashkëpunimi shumëpalësh pasi që presidenti i SHBA-së, Donald Tramp i ka vendosur nën pikëpyetje aleancat ndërkombëtare dhe deklaroi se politika e tij do të udhëhiqet nga parimi “Amerika në vend të parë”.
Sipas Merkeli është shenjë e mirë që administrata amerikane dërgon delegacion në konferencën e ardhshme të sigurisë, që duhet të mbahet në Munih.
Në konferencën treditore që fillon të premten, zëvendëskryetari amerikan Majk Pensi dhe sekretari i Mbrojtjes, Xhejms Matis do të kenë takime me aleatët evropianë.