Për ndjekjen e zgjedhjeve presidenciale dhe ato parlamentare, deri tani janë akredituar 8.325 vëzhgues nga vendi dhe 326 vëzhgues të huaj si dhe 222 përkthyes.
Të dhënat nga ana e KSHZ-së thonë se Organizata “Most” deri tani ka akredituar 1.790 vëzhgues, Shoqata për aktivitete humanitare SINERGIJA 4.970, Shoqata e qytetarëve për demokratizim dhe ngritje të vetëdijes kolektive “Lëvizja VEPRO” 1.500, Civil me 50 vëzhgues, Shoqata e qytetarëve – Qendra për zhvillim të mediumeve – Shkup me nëntë vëzhgues dhe Qendra Maqedonase për kulturë dhe zhvillim gjashtë vëzhgues.
Misioni i OSBE/ODIHR ka akredituar 41 vëzhgues, OSBE 91 vëzhgues, Parlamenti i Këshillit Evropian 21, BE- 27 vëzhgues, ambasada e SHBA-ve 27 vëzhgues, e Suedisë 13, Italisë 12, Turqisë 11, Francës tetë, Bullgarisë dhe Holandës me nga gjashtë, Kosovës pesë vëzhgues, Sllovenisë katër, pastaj ajo e Polonisë, Greqisë, Austrisë dhe Spanjës me nga tre, Kroacisë, Kinës dhe Sllovakisë me nga dy vëzhgues, pastaj ambasadat e Gjermanisë, Katarit, Malit të Zi dhe Serbisë me nga një vëzhgues dhe organizata Daneze SILBA dhe Asociacioni për përparim edukim dhe lobim NEL me 31 vëzhgues.