Presidenti Donald Trump ka ndjekur ndeshjen finale Super Bowl mes New England Patriots dhe Atlanta Falcons, me bashkëshorten dhe Shefin e Shtëpisë së Bardhë, në klubin e tij të golfit, Trump International në plazhin West Palm, të Florida-s.
Melania ishte veshur me një bluzë të kaltër, pantallona të bardha të ngushta dhe këpucë me taka duke shfaqur edhe një herë elegancën e saj, që impresionon edhe në një veshje më casual sesa zakonisht, por vëmendja edhe kësaj here shkoi tjetër kund, te fytyra e saj.
Para disa ditësh interneti u mbush me komente dhe shpjegime për fytyrën e saj të mërzitur ditën e përurimit që krijoi edhe hashtagun #FreeMelania në Twitter. Mbrëmë, një tjetër foto e Melania-s duke parë ndeshjen me Trump dhe anëtarë të administratës, e ka rikrijuar sërish atë thirrje mishëruese.
Në foto, zonja e parë duket sikur nuk do të jetë fare aty, për të parë atë ndeshje që të tjerëve mesa duket i pëlqen.
Komentet kanë mbushur internetin që nga ai çast.
