SHBA, disa nga zyrtarët e lartë të Departamentit të Shtetit japin dorëheqje
Disa nga nëpunësit më të lartë në Departamentin amerikan të Shtetit kanë dhënë dorëheqje në administratën e Donald Trump, raporton Anadolu Agency (AA).
Siç transmetojnë mediat amerikane, zëvendëssekretarët Joyce Anne Barr, Michele Bond dhe Gentry Smith kanë dhënë dorëheqje pas Patrick Kennedy, zëvendës-sekretari shtetëror për menaxhment, që dha dorëheqje kur mësoi se përgatitet ndërrimi i tij.
Ndryshe, Kennedy nëntë vite ka shërbyer si ndihmës i të gjithë sekretarëve të shtetit në Departamentin e Shtetit.
Megjithatë, pasi Rex Tillerson u zgjodh për sekretar shtetëror në administratën e Trumpit, vendosi të dorëhiqet. Dorëheqjet vijuan pasi Tillerson dje vizitoi Departamentin e Shtetit.
Mark Toner, zëdhënës i përkohshëm në Departamentin e Shtetit, deklaroi se dorëheqjet janë dukuri normale në kohën e tranzicionit të pushtetit në SHBA.