Organizata joqeveritare Transparensi interneshënëll paralajmëroi se në shtetet ku ka liderë populistë, të cilët kanë ardhur në pushtet me premtimin për ndryshimin e status-kuosë dhe luftën me korrupsionin, ky problem është duke u thelluar.
TI e publikoi indeksin e percepcionit të korrupsionit për vitin 2016 në 176 shtete.
Në raport ata theksojnë se liderët populistë dhe autokratë vendosin sisteme më të korruptuara në shtetet ku kanë premtuar reforma.
Kryetari i TI, Hose Ugas i jep si shembuj Hungarinë dhe Turqinë, indekset e të cilëve janë përkeqësuar gjatë viteve të kaluara, ndërsa Argjentina shkon drejt përmirësimit pas rrëzimit të qeverisë populiste.
Sipas TI, shteti më pak i korruptuar në vitin 2016 ka qenë Danimarka dhe Zelanda e re, të cilat ndiqen nga Finlanda, Suedia, Zvicra dhe Norvegjia. Somalia është në fund të listës, ndërsa mbi të janë Sudani i Jugut, Koreja e Veriut dhe Siria.
Maqedonia është në pozitën e 90-të. Në indeksin për vitin 2015 shteti ka qenë në pozitën e 66, në vitin 2014 në pozitën e 64 ndërsa në vitin 2013 TI e ka radhitur në pozitën e 67.
Rezultatet për vitin 2016 zbulojnë lidhje midis korrupsionit, pabarazisë dhe populizmit. Kur politikanë tradicionalë nuk ia dalin të ballafaqohen me korrupsionin, njerëzit bëhen cinik. Ata gjithnjë e më shumë kthehen nga liderët populist të cilët premtojnë shkatërrimin e korrupsionit, por atë vetëm janë duke e thelluar, thekson Transparensi interneshënëll.