Civil: Në Maqedoni shkelen të drejtat politike
Qendra për “Liri Civil” dhe Grupi Punues për të Drejtat e Njeriut sot në Tetovë kanë vendosur “Murin e Pabarazisë” para Pallatit të Kulturës.
Qëllimi i këtij aktiviteti është që të vetëdijesohen qytetarët për liritë dhe të drejtat e tyre që u shkelen .
Sipas Ilir Ajdinit nga qendra për “Liri Civil” thotë se liritë dhe të drejtat e njeriut shkelen me të madhe në republikën e Maqedonisë duke filluar nga të drejtat sociale politike, të shprehjes dhe të gjithë Liritë e tjera.
Ajdini thotë se ajo çka është vërejtur më shumë është e të drejtave politikë, duke i diskriminuar qytetarët që nuk i takojnë asaj partie politikë që është në opozitë, si në komunë , po ashtu dhe në qeverinë qendror dhe institucionet shtetërore.
Ky projekt e ka emrin “Zgjedhe demokracinë” që është përkrahur nga Projekti për shoqëri civile i USAID-it, i zbatuar nga Fondacioni Shoqëria e Hapur – Maqedoni.