Në fjalimin e fundit me mesazhin e Vitit të Ri deri te kombi si president, Fransoa Olland dërgoi një sërë paralajmërimesh deri te francezët, vetëm katër muaj para zgjedhjeve presidenciale në Francë, njofton korrespondenti i MIA-s nga Parisi.
“Sonte për herë të fundit i prezentoj dëshirat e mia si president”, tha ai në fjalimin televiziv.
Fjalimi televiziv prej disa minutash ishte mundësi për ta përmbyllur vitin e shënuar me konfliktet në Irak dhe Siri dhe terrorizmin, të bëjë ndarjen e aktiviteteve të tij, të gjendjes në Francë dhe në planin ndërkombëtar.
“Ne nuk mbaruam me terrorizmin, filloi shefi i shtetit francez, duke i përkujtuar “sulmet e tmerrshme të cilat e goditën Francën në vitin 2016”, duke i theksuar sulmet në Nicë, Manjavil dhe Sant Etien dy Ryvre.
“Mendoj tek të gjithë viktimat, familjet e tyre, të plagosurit të cilët pësuan”, tha Olland.
“Jam i vetëdijshëm për shqetësimin tuaj, i cili akoma është i pranishëm kundrejt kanosjes prej terrorizmit i cili nuk është në zhdukje, për të cilën është dëshmi ajo që ndodhi në Berlin, ku gjatë sulmit në bazarin e Krishtlindjeve janë vrarë dymbëdhjetë persona”, tha ai.
“Terroristët deshën t’u ndajnë, t’u frikësojnë. Ju treguat se jeni më të fuqishëm së bashku, solidar dhe unik. Nuk u gjunjëzuat para kanosjeve, stigmatizimeve”, tha ai.
Olland paralajmëroi se nesër do të niset për vizitë në Irak, ku ndodhen një pjesë e ushtarëve francezë të angazhuar kundër xhihadistëve të Shtetit Islamik.
“Ne nuk mbaruam me të keqen nga terrorizmi. Ne do të vazhdojmë të luftojmë. Në planin e jashtëm, ky është edhe kuptimi i operacioneve ushtarake në Mali, Siri, Irak. Ne duhet të luftojmë me terrorizmin edhe brenda që të parandalohen sulme, që të pengohen personat e rrezikshëm, si dhe që të pengohet radikalizimi xhihadist. Por, të jeni të sigurt për një gjë, the në këtë luftë kundër barbarizmit, demokracia do të dalë si fituese”, theksoi Olland.