Kryeministri japonez Shinzo Abe, mbërriti në Havai, për vizitë historike në bazën detare amerikane Perl Harbur, që aviacioni imperialist japonez e sulmoi më 7 dhjetor të vitit 1941.
Abe do t’u shpreh nderime viktimave të sulmit, do të lutet për ata, por nuk do të kërkojë falje.
Në sulmin prej para 75 viteve, u vranë 2300 marinarë amerikanë, personel ushtarak dhe civilë, ndërsa sulmi ishte shkak që SHBA-ja të hyjë në Luftën e Dytë Botërore në anën e koalicionit kundër Hitlerit.
Tetë anije ushtarake u dëmtuan, ndërsa katër të tjera u përmbytën, por bartësit kryesor amerikan nuk ishin në bazë.
Kryeministri Abe i cili do të shoqërohet nga presidenti amerikan Barak Obama, do ta vizitojë vendin ku ka qenë sulmi kryesor i aeroplanëve japonez.
Ai është kryeministri i parë i Japonisë i cili zyrtarisht dhe në shoqërim të një presidenti amerikan e viziton bazën Perl Harbur.
Pas vizitës në Perl Harbur, Obama dhe Abe në Havai do të kenë biseda politike, që do të jetë edhe takimi i tyre i fundit, para largimit të presidentit amerikan nga Shtëpia e Bardhë, më 20 janar.