Mijëra shqiptarë të Kosovës bllokohen në kufirin Kroaci-Serbi
Mijëra shqiptarë të Kosovës janë bllokuar në vendkalimin kufitar Kroaci-Serbi Lipovac-Batrovci.
Shumë shqiptarë, qytetarë të Kosovës janë duke pritur me orë të tëra për marrjen e dokumentit udhëtues, të cilin policia doganore e Serbisë po e vonon deri ne 12 orë, transmeton “albinfo.ch”.
Si pasojë e rradhëve të gjata në kufi, disa qytetarë të Kosovës janë përleshur me njëri-tjetrin për të hyrë në radhë.
Pritjet e gjata për udhëtarët me makina për të hyrë nga Kroacia në Serbi deri tek dogana serbe shkojnë nga 5 deri në 8 orë.
Shumë shqiptarë nga pritjet e gjata dhe i ftohti që sillet rreth 0 gradë janë ankuar se po i trajtojnë si të ishin refugjatë.
