Ndërsa gjithë vëmendja ishte tek sulmi terrorist të Berlinit dhe ekzekutimi i ambasadorit rus në Ankara, anarkistët grekë sulmuan në mënyrë të koordinuar mjetet e transportit publik të Athinës, shkruan Tema.
Të mirëorganizuar ata ndaluan dhe më pas zbritën pasagjerët e tre autobusëve që kalonin me rrugën jashtë Politeknikumit të Athinës dhe i vunë zjarrin.
Nuk pati të lënduar nga pasagjerët apo shoferët, ndërsa mjetet e transportit publik u dogjën tërësisht.
Ndërkohë në të njëjtën kohë një tjetër grup anarkistësh dëmtoi rëndë stacionin e autobusëve me zonën rezidenciale Kifisia të Athinës.
