Kryeministri i Kosovës, Isa Mustafa ka thënë se ndërtimi i murit në Mitrovicë nga autoritetet serbe janë sinjali i fundit për Bashkimin Evropian(BE), që ta ndryshojë formatin e dialogut ndërmjet Kosovës dhe Serbisë.
Mustafa, gjatë një interviste për REL, ka deklaruar se muri i ndërtuar në Mitrovicë është një realitet. Andaj, sipas tij, BE-ja duhet të kuptojë që mënyra se si është negociuar deri më tani, rezultatet dhe zbatimi i marrëveshjeve, kanë defekte shumë të mëdha.
Qëndrime për ndryshimin e formatit të dialogut të Brukselit, kanë shprehur edhe përfaqësues opozitarë.