Prej sot fillon fushata parazgjedhore për zgjedhjet e parakohshme parlamentare të 27 prillit. Më 12 dhe 13 prill me vendim të KSHZ-së fushata do të ndërpritet për shkak se përkon me ditën e heshtjes parazgjedhore dhe ditën e votimeve për zgjedhjet presidenciale.
Në garën për 123 ulëset e parlamentit janë përfshirë 1402 kandidatë, në gjashtë njësitë zgjedhore dhe 3 njësitë zgjedhore në diasporë.
VMRO-DPMNE fushatën promovuese për kandidatët për deputetë do ta zhvilloj nesër në Shkup, LSDM-ja në konventën ditën e diel. BDI veçmë e mbajti Konventën për promovimin e kandidatëve para 3 ditësh ndërkaq GROM të dielën në Kumanovë do t’i promovojë kandidatët e saj.
PDSH ka dorëzuar lista për NJZ 1,2,3,5,6,7 dhe 8, RDK për NJZ 1,2,5,6 dhe 7, PPD për Njësinë e gjashtë zgjedhore, koalicioni për Maqedoninë Pozitive në NJZ 1, 2, 3, 4,5 dhe 6, koalicioni Dinjitet për Maqedoninë në NJZ 1,2,3,4,5,6 dhe 8, VMRO-PP në NJZ 1,2,3,4,5,6, LNM në NJZ 1 2,3,4,5, LSDM dhe koalicioni në NJZ 1,2,3,4,5,6,7,8 dhe 9, PSDM në NJZ 1,2,3,4,5 dhe 6, PPE në NJZ 1 dhe 2, PIE në NJZ 1,2,5 dhe 6, koalicioni GROM në NJZ 1,2,3,4,5 dhe 6, VMRO – DPMNE dhe koalicioni në NJZ 1,2,3,4,5,6,7, 8 dhe 9 dhe BDI në NJZ 1,2,3,4,5,6,7,8 dhe 9.
Partitë politike garuese në këto zgjedhje do të garojnë në këtë radhitje:
Numrin 1 do ta mbaj LSDM-ja; 2 PDSH-ja; 3 Dinjiteti; 4 BDI-ja; 5 VMRO-DPMNE; 6 RDK; 7 Lëvizja Popullore Maqedonase; 8 Opsioni Qytetar Maqedonas; 9 Aleanca për Maqedoni Pozitive; 10 VMRO-Popullore; 11 Partia Social Demokrate; 12 Partia për ndryshime ekonomike; 13 Partia për Prosperitet Demokratik dhe 14 Partia për Ardhmëri Evropiane.
Zgjedhjet presidenciale dhe ato paralemntare do të monitorohen nga 3292 vëzhgues vendor dhe 256 të huaj.