Maqedonia dhe Kosova janë në fund të listës së rezultateve të testit ndërkombëtar PISA, që u publikuan gjatë ditës së djeshme. PISA ka testuar nxënësit 15 vjeçar në 70 shtete të ndryshme të botës në tre sfera, edhe atë: shkencë, lexim dhe matematikë, njofton Portalb.mk.
Në testet PISA për shkencë, Maqedonia radhitet në vendin e 67 dhe pas saj është Kosova në vendin e 68. Ndërsa Shqipëria është në vendin e 51.
Ndërkohë Greqia është në vendin e 43, Bullgaria në vendin e 45, Mali i Zi në vendin e 59.
Në testin e shkencës në vend të parë është Singapori, në të dytin Japonia e në të tretin Estonia.
Në testet PISA për lexim, Maqedonia radhitet në vendin e 67, Kosova në vendin e 69, kurse Shqipëria në vendin e 60.
Greqia radhitet në vendin e 41, Bullgaria në vendin e 49, Mali i Zi në vendin e 53.
Ndërsa në krye të listës së testit për lexim janë: Singapori, Hong Kongu dhe Kanadaja.
Në testet PISA për matematikë Maqedonia radhitet në vendin e 66, Kosova në vendin e 68 dhe Shqipëria në vendin e 55.
Greqia është në vendin e 43, Bullgaria në vendin e 45, Mali i Zi në vendin e52.
Rezultatet më të mira në testin e matematikës i kanë shënuar nxënësit nga Singapori, Hong Kongu dhe Makau (Kinë).