Të gjithë banorët e një fshati spanjoll janë gdhirë milionerë. Ata nuk kanë fituar ndonjë llotari, por fati i tyre është se kanë lindur në një fshat me miliarderin Antonino Fernandez.
Fernandez ishte fëmija i 11-të nga 13 të tillë. Familja e tij emigroi në Meksikë kur ai ishte 32 vjeç. Ai u bë president i kompanisë Modelo, që prodhon birrën e famshme Corona. Fernandez vdiq në gusht të këtij viti, në moshën 99-vjeçare, shkruan Mapo.al.
Në testament ai u la 80 banorëve të fshatit të lindjes 169 milionë sterlina, ose mbi 2 milionë sterlina për banor. Fernandez lindi në mes të varfërisë dhe në moshën 14-vjeçare e la shkollën pasi prindërit nuk i përballonin pagesat.
Pas Luftës Civile ai u vendos në veri të Spanjës, ku u martua me Cinia Gonzalez Diez. Në vitin 1949, xhaxhai i gruas, pronar i grupit Modelo, i ftoi që të shkojnë në Meksikë. Fernandez nisi të punonte për birrarinë fillimisht si punëtor i magazinave.
Por ngadalë nisi të ngjiste shkallët e karrierës dhe në vitin 1971 ishte bërë president i kompanisë. Ai ndihmoi që birra Corona të bëhej jo vetëm birra më popullore në Meksikë, por një fenomen botëror.