Në Parlamentin ukrainas sot sërish erdhi deri në përplasje fizike mes deputetëve në të cilën morën pjesë zëvendëskryetari i bllokut opozitar Jurij Bojko dhe lideri i Partisë Radikale, Oleg Lashko.
Rrahja filloi kur Lashko e akuzoi Bojkovin se është agjent i “Kremlinit” dhe se “udhëton në Moskë që të merr urdhra nga Qeveria”.
“Instruksionet duhet t’i marrësh nga populli yt, ukrainasit. Dua ta pyes shërbimin e sigurisë pse e viziton Moskën, e nuk je në burg”, deklaroi Lashko.
Bojko për këtë u përgjigj me grusht, Politikanët tjerë tentuan t’i ndajnë dhe për 30 sekonda gjithçka u kthye në normale.
