Të ngrihet vetëdija publike për diabetin, si dhe të ndërmerren masa për parandalim dhe përballje më të mirë, bëjnë thirrje nga Shoqata për mbrojtje dhe edukim të diabetikëve “Bufi” me rastin e shënimit të 14 Nëntorit, Ditës botërore të luftës kundër diabetit.
Vlerësohet, theksojnë nga Shoqata, se numri i personave madhorë me diabet në Maqedoni arrin rreth 185.000 (12 për qind e tërë popullatës).
Diabeti është gjendje shëndetësore e cila i prek individët, shoqëritë, qytetet dhe vendet në mbarë botën.
Sipas vlerësimeve të fundit të Federatës ndërkombëtare për diabet, konsiderohet se rreth 8,8 për qind e popullatës madhore ka diabet, prej të cilëve 95 për qind bëjnë pjesë në diabetin e tipit 2. Numri i personave me diabet në mënyrë dramatike rritet prej vitit në vit, kështu që konsiderohet se deri në vitin 2040 numri i të sëmurëve nga të tanishmit 415 milionë do të rritet në 642 milionë persona.
Kjo rritje është e lidhur me zhvillimin ekonomik, popullatën e cila plaket, ndryshime në ushqim dhe aktivitetin e ulur fizik, e tërë kjo në njëfarë mënyre është e lidhur me urbanizimin. Tashmë sot, rreth 45 për qind e të gjithë njerëzve jetojnë në qytete, ndërsa deri në vitin 2050 konsiderohet se 66 për qind e popullatës botërore do të jetojë nëpër qytete. Jeta në rajonin urban ndikon në jetën e njerëzve dhe është e lidhur me ndryshime të shprehive për ushqim, aktivitet fizik dhe obligime të punës.
Sot dy të tretat e të gjithë njerëzve me diabet jetojnë në qytete. Përveç që ekziston trendi i urbanizimit, popullata botërore gjithashtu po bëhet më e vjetër. Vlerësohet se përqindja e personave mbi 65 vjeç nga të tanishmit 8 për qind deri në vitin 2050 do të rritet dyfish, do të thotë, do të paraqesë 16 për qind.
Një nga format kryesore për pandeminë e diabetit të tipit 2 është pesha e shtuar dhe konsiderohet se një përqindje e lartë prej 80-90 për qind e personave me diabet të tipit 2 janë me peshë të shtuar.