Tsunami e ka goditur Ishullin Jugor të Zelandës së Re dy orë pasi që një tërmet i fuqishëm e dridhi vendin.
Shërbimi Gjeologjik i SHBA-së ka njoftuar se tërmeti i shkallës 7.8 magnitudë goditi pas mesnatës, sipas kohës lokale, rreth 95 kilometra nga Christchurch.
Ndërkohë, pas plot dy orëve, vendi u godit edhe nga tsunami.
Zyrtarët e Zelandës së Re kanë thënë se tsunami arriti në bregdetin verilindor dhe se valëta e para të tij nuk kishin të mëdha, por tsunami do të jetë aktiv për disa orë. Banorët janë paralajmëruar që të zhvendosen nga bregdeti në brendësi të vendit, apo në vende më të larta.
