Të paktën 15 persona humbën jetën, ndërsa 130 u plagosën në një zjarr që përfshiu një hotel të përdorur prej pelegrinëve myslimanë në qytetin e shenjtë saudit të Medinës, informuan të dielën mediat shtetërore.
Zjarri nisi mbrëmjen e së shtunës dhe shtetësia e viktimave është ende e panjohur, pasi hoteli priste mbi 700 persona.
Për myslimanët, Medina është qyteti i dytë i shenjtë pas Mekës.
Në Medinë ndodhet varri i Profetit Muhamed dhe vizita në Medinë është pjesë e pelegrinazhit të Haxhit.
Zjarri u vendos nën kontroll në orët e para të së dielës dhe të mbijetuarit janë zhvendosur në hotele të tjera të qytetit.
Ndërkohë, autoritetet kanë nisur një hetim në lidhje me arsyen e nisjes së këtij zjarri. / Top Channel