Mijëra njerëz në pjesën qendrore të Italisë kanë kaluar natën në makina, tenda dhe strehimore të përkohshme, si pasojë e tërmetit që ka goditur zonën, shkruan REL.
Tërmeti prej 6.6 shkallësh të Richterit – më i rëndi në Itali në disa dekada – ka ndodhur të dielën në mëngjes, duke plagosur 20 veta.
Epiqendra e tij është regjistruar pranë qytetit Perugja.
Bazilika mesjetare e Shën Benediktit në qytetin Norcia është në mesin e shumë ndërtesave historike që janë shkatërruar.
Dridhjet e tokës janë ndjerë edhe në Romë, ku, për pasojë, është mbyllur sistemi i metrosë.
Në muajin gusht, një tërmet i fuqishëm ka goditur në jug të Italisë, duke vrarë 298 njerëz.