Nuk ka zgjidhje për sistematizimin e 1700 administratorëve të cilët me vite marrin paga dhe qëndrojnë në shtëpi. Ministrja e Shoqërisë Informatike Arsovska Tomovska, tha se procedurat për sistematizimin e të punësuarve në administratë për momentin janë ndërprerë për shkak të zgjedhjeve, transmeton ALsat-M.
“Ne pranuam kërkesë nga ana e Sekretariatit për Marrëveshjen e Ohrit për sistematizim nëpër Institucione tjera, për një numër të caktuar të të punësuarve sepse procedura është komplekse pasi duhet të jenë plotësuar më shumë kushte, sistematizimi po rrjedh dhe se së shpejti do të jetë e përfunduar por jo në këtë periudhë sepse tani nuk është e lejuar shkaku i zgjedhjeve sepse ka ndërprerje të procedurës”, tha Marta Arsovska Tomovska, Ministre e Shoqërisë Informatike.
Në muajin gusht, zv/ ministri për zbatimin e MO-së Festim Halili paralajmëroi sistemimin e 800 të punësuarve nga 1700 sa janë në përgjithësi.