Edhe pse fraza të tipit “E dogji nusja gjellën se ishte në Facebook”, apo “Nuk bën punët e shtëpisë sepse nuk e lë Facebook-u” ngjajnë qesharake, pak a shumë pasqyrojnë realitetin e sotëm. Rrjetet sociale kanë zënë një pjesë të konsiderueshme të kohës së njerëzve, jo vetëm te të rinjve.
Një foto e shpërndarë në internet po bën xhiron e botës. Në të shfaqet një nënë e cila pozon “pa mendje”. E gjithë çudia qëndron në faktin se këtë foto është duke ia shkrepur fëmija i saj, jo më shumë se 3 vjeç që nga karroca ku po qëndron.
Interpretimet mund të jenë të shumta, por përfundojnë në një konkluznion. Teknologjia dhe rrjetet sociale janë bërë pjesë e pandarë e jëtës sonë. Një pjesë që brezi i ri mëson ta përdorë që në karrocë, ashtu si rasti në fjalë.
Shpresojmë që të paktën gjatë postimit të fotos, kjo nënë të mos ia ketë shteruar të drejtën e autorit fëmijës dhe ta ketë përmendur diku në përshkrim plot krenari.