Të gjithë bëjmë dush.
Mirëpo ka disa truqe e aftësi që duhet t’i dini para se ta lani trupin tuaj dhe ka disa rregulla që s’duhet t’i harroni kurrë sa i përket mbrojtjes së lëkurës dhe flokëve.
A duhet të lahemi për çdo ditë? Si duhet t’i pastrojmë flokët? A ja vlen të blejmë produkte të shtrenjta për dush?
Dr. Derek V Chan, një dermatolog dhe ekspert kozmetik, është përgjigjur në pyetjet thelbësore sa i përket dushit, shkruan Daily Mail, transmeton Klan Kosova.
Sa shpesh duhet të lahemi?
Ua rekomandoj pacientëve të mi që të lahen një herë në ditë.
Sa duhet të jetë i nxehtë uji gjatë dushit?
Dushet e nxehta mund t’ju bëjnë të ndjeheni mirë, mirëpo në përgjithësi, dushet e vakëta janë më të mira se ato të nxehtat.
Temperatura nën 40 gradë celsius rekomandohet për ujin gjatë dushit.
Si duhet t’i lajmë flokët?
Për shumicën e shamponëve dhe kondicionerëve vlen kjo praktikë: Masazhojeni shamponin apo kondicionerin në skalpin tuaj, dhe lëreni aty të qëndrojë për dy apo tre minuta.
Është shumë e rëndësishme që produktet e pastrimit ta prekin skalpin e kokës.
Po çfarë përzgjedhjen e shamponit të trupit?
Kjo në njëfarë mënyrë është zgjedhje personale, përderisa nuk keni lëkurë senzitive. Nëse keni lëkurë të ndjeshme, duhet të përdorni shamponë që janë më të lehtë si: Dove White Beauty Bar, Dove Sensitive Skin Body Wash, ose Vanicream Cleansing Bar.