Moti sot në mbarë territorin e Maqedonisë do të jetë kryesisht i vranët dhe me reshje të kohëpaskohshme të shiut.
Temperaturat do të jenë të ngjashme me ato të ditëve të kaluara, kryesisht ato të mëngjesit do të lëvizin nga 7 deri më 13 gradë celsius, ndërkaq të njëjtat gjatë ditës do të arrijnë deri më 28 gradë celsius, njofton Portalb.
Shkupi do të ketë mot të ngjashëm, kryesisht me vranësira mesatare dhe me periudha të kohëpaskohshme të reshjeve. Temperaturat gjatë paradites do të lëvizin nga 9 deri më 12, ndërkaq të njëjtat gjatë ditës do të arrijnë deri më 26 gradë celsius. /Portalb