Vera sapo përfundoi dhe përveç nxirjes ka lënë pas edhe disa shenja në fytyrë e trup. Pas saj, ajo për të cilën keni nevojë nuk është gjë tjetër veçse një trajtim i saktë. Dhe aleat shumë i fortë për këtë është një përbërës natyral që me siguri do e keni në kuzhinë. Mjalti.
Mjalti dhe dobishmëritë e tij për lëkurën:
Eliminimi i akneve, vepron si një antibakterial natyral kundër akneve
Eliminimi i plakjes së lëkurës, vetitë antioksidante veprojnë kundër plakjes së qelizave
Lëkurë e shëndetshme, veti hidratuese dhe qetësuese
Kështu që mjalti mund të shërbejë si baza e dhjetra recetave natyrore të bukurisë, për çdo fazë të kujdesit të lëkurës, nga pastrimi e deri tëk hidratimi.
Provoni që sot të realizoni këtë maskë të lehtë në shtëpi.
Përbërësit:
1 lugë gjelle mjaltë
2 lugë kos
Lëng limoni
Përgatitja:
Përzieni të gjithë përbërësit mirë.
Aplikimi:
Përhapni maskën në fytyrë (pasi ta keni pastruar mirë) dhe qafë, duke shmangur zonën e syve. Lereni të veprojë për disa minuta dhe lani fytyrën tuaj me ujë të vakët. Më pas fshiheni butësisht me një peshqir të pastër.