Ditë të nxehta merkatoje për Brozovic. Nga Londra del në skenë një prapaskenë mjaft interesante. Chelsea është gati të vërë në pjatë për të arritur te kroati Cesc Fabregas, mesfushor i rafinuar, me 110 prezenca në Kombëtaren Spanjolle, dhe me një karrierë po kaq të pasur në nivel klubesh me Barcelonën e Arsenalin para kalimit te blutë e Londrës.
Conte me sa duket nuk e preferon por është padyshim një lojtar me personalitet që do të bënte shumë punë Interit në fazën e ndërtimit të lojës, nevojë kjo që u pa më qartë edhe pasi ndaj Palermos u panë më vështirësitë e Banegës për të interpretuar rolin në kabinën e regjisë, transmeton Supersport.
Megjtihatë zikaltërve ju duhet të bëjnë kujdes nga Juventusi që është gati të paguajë për Brozovic 20-25 milionë euro, por jo më tepër pasi është refuzuar një herë nga pronarët e rinj kinezë që nuk duan të përforcojnë asnjë nga kundërshtarët e drejtëpërdrejtë në Itali.