Zgjedhjet e parakohshme vështirë se mund të mbahen këtë vit, pavarësisht ndryshimeve në ligjin për mediat, Qeverinë dhe MPB-në. Një pjesë e analistëve janë skeptik se këto reforma do të zbatohen në praktikë.
Madje Alajdin Demiri, thotë se aneksi i fundit i Marrëveshjes së Përzhinës është pengesa kryesore për mbajtjen e zgjedhjeve pasi sipas tij me ndryshimet e fundit ligjore vetëm shpërqendrohet vëmendjen nga problemet reale.
Analistët e kontaktuar nga Alsat, vlerësojnë se votimet mund të mbahen në pranverën e vitit të ardhshëm. Sipas tyre reformat për të cilat janë marrë vesh partitë kryesore janë të mjaftueshme që zgjedhjet të mos kontestohen, por nuk garantojnë një process elektoral me standarde të larta evropiane.