Personat e armatosur të ndërlidhur me një grup opozitar në Armeni, i kanë liruar dy prej shtatë personave të rrëmbyer në një stacion të policisë në kryeqytetin Erevan, derisa gjendja e tensionuar me forcat e sigurisë së Armenisë po vazhdon për të dytën ditë me radhë.
Lirimi i tyre ishte bërë në kuadër të negociatave që po vazhdojnë me personat e armatosur, ka njoftuar Shërbimi i sigurisë kombëtare i Armenisë.
Së paku një duzinë e personave të armatosur e sulmuan stacionin policor në lagjen jugore Erebuni dje në mëngjes, duke e vrarë një polic dhe plagosur 6 të tjerë.
Ky grup i armatosur po kërkon lirimin e personit, Zhirayr Sefilian, lider i lëvizjes opozitare, Themeluesi i Parlamentit, që ishte arrestuar muajin e kaluar, i dyshuar për komplot dhe revoltë ushtarake.
Ata, po ashtu, kërkojnë edhe dorëheqjen e presidentit të Armenisë, Serzh Sarkisian.
Autoritetet e Armensië e kanë përjashtuar mundësinë e lirimit të Sefilianit dhe kanë kërkuar që personat e armatosur të dorëzohen.