Majlinda Kelmendi dhe Nora Gjakova janë dy garueset e vetme kosovare që e kanë siguruar pjesëmarrjen në Olimpiadë falë normës. Presidenti i KOK-ut, Besim Hasani, thotë se Kosova duhet të ndihet krenare me to, shkruan Zëri.
“Kosova për herë të parë paraqitet në Olimpiadë me dy norma. Janë mbi 100 shtete që marrin pjesë në Rio dhe asnjë sportist i tyre nuk ka normë olimpike. Çdo shqiptar duhet të ndihet krenar me to. Janë vlera kombëtare. Janë heroina”, ka thënë Hasani.