Dhjetëra qytetarë shqiptarë të ardhur nga disa qytete të vendit, si dhe qytetarë turq që jetojnë në Shqipëri kanë organizuar sot një tubim solidarizues për Turqinë dhe udhëheqësit e saj pas tentativës për grusht shteti ndërmarrë nga pjesëtarët e organizatës terroriste FETÖ, raporton Anadolu Agency (AA).
Qytetarët e mbledhur në sheshin para Piramidës në bulevardin ”Dëshmorët e Kombit” në Tiranë, duke brohoritur me slogane në mbështetje të Turqisë, mbanin në duar flamujt e Turqisë dhe Shqipërisë.
Pjesëmarrësit kanë shprehur mbështetjen e plotë për popullin turk dhe udhëheqësit e Turqisë, duke uruar që ky popull të vazhdojë rrugën e tij në paqe dhe harmoni.
Ndërkohë tubime të tilla të ngjashme ka patur edhe në Maqedoni dhe Kosovë.
Kujtojmë se gjatë të premtes në mbrëmje një grup i ushtarëve pjesëtarë të organizatës terroriste FETÖ tentuan që të kryejnë grusht shteti në Turqi, por pas reagimit të popullit dhe qeverisë kjo tentativë u parandalua.
