Forcat ajrore ruse dhe ato të regjimit të Asadit në Siri kanë kryer disa sulme ajrore në Idlib dhe Halep, ku si pasojë e tyre të paktën 28 persona kanë humbur jetën, raporton Anadolu Agency (AA).
Sipas informacioneve të marra nga zyrtarë të mbrojtjes civile thuhet se si pasojë e një sulmi të një avioni rus në një treg karburantesh në Idlib, të paktën 18 persona kanë humbur jetën. Burimet thanë se avionët rusë kanë sulmuar edhe ekipet e mbrojtjes civile dhe civilët që ndodheshin në vendngjarje pas sulmit të parë.
Zyrtarët thanë gjithashtu se avionët e regjimit të Asadit kanë sulmuar një treg në Halep, ku si pasojë të paktën 10 persona kanë humbur jetën dhe një numër i madh civilësh kanë mbetur të plagosur.