(Përditësim) Irak, një sulm me bombë shkakton 84 të vdekur dhe 133 të plagosur

Njoftohet se nga sulmi me bombë në Bagdad të Irakut numri i personave të vrarë është rritur në 84 dhe i të plagosurve në 133, raporton Anadolu Agency (AA).

Sipas informacioneve të marra nga Zyra e Shëndetit në Bagdad mësohet se si rezultat i sulmit me bombë në rajonin Karrada në qendër të Bagdadit numri i personave të vrarë është rritur në 84 dhe i të plagosurve në 133.

Ndër të tjera më parë ishte theksuar se sulmi ishte marrë përsipër nga organizata terroriste DAESH.

Bagdadi i cili përjeton probleme në fushën e sigurisë shpesh herë është skenë e ngjarjeve të dhunës.