Maqedonia mos të pretë përparim në proceset euroatlantike në kohën kur Greqia ka marr kryesimin e Bashkimit Evropian, vlerësojnë analistët për DW.
Periudha e ardhshme gjashtë mujore nuk do të sjellë ndryshime më të mëdha, por mund të shfrytëzohet për ndryshimin e strategjisë, në veçanti të palës maqedonase, konsiderojnë ato.
Një pjesë e analistëve nuk janë optimist se është e mundur ndonjë ndryshim, nëse pushtetarët në Shkup por edhe ata në Athinë nuk marrin ndonjë hap serioz në këtë plan. Kryesimi i BE-së nga ana e Greqisë, sipas ish-ministrit Denko Maleski hapë dy opsione, njëra është e mirë për politikanët dhe tjetra e mirë për të dy popujt.
“Opsioni i cili është i mirë për politikanët është që të vazhdojë ky konfrontim, si recetë për të qëndruar në qeveri ose për të fituar zgjedhje të reja. Në këtë kontekst po e numëroj edhe iniciativën e presidentin të Maqedonisë që të shkohet para Këshillit për siguri të OKB-së, në të cilën pa dyshim që do të pasojë një përgjigje konfrontuese e palës greke. Kështu që të dy garniturat politike do të kenë me çfarë të marren në disa vite të ardhshme”, thekson për DË Maleski,