Kryeparlamentari Kadri Veseli ka thënë se në Kuvendin e Kosovës janë dëgjuar akuzat më të rënda për krim e hajni por askush kurrë nuk ka shkuar në Prokurori, njofton Klan Kosova.
Ai këtë deklaratë e bëri gjatë një konference që po mbahet në Prishtinë ku po diskutohet për etikën parlamentare.
Atje , shefi i Kuvendit theksoi se etika në parlament është e veçantë por sipas tij, ajo është shpesh negative sidomos në periudhën e fundit.
“Ajo çka e bën një vend demokratik vjen nga morali që e kemi. Nëse e fyejmë njëri-tjetrin sikurse në rrugë, atëherë shoqëria nuk do të arrinte askund” ka shtuar Veseli.