Granit Xhaka ka një statistikë me të cilën udhëheq deri më tani gjatë “Euro 2016”.
Granit Xhaka më i mirë se të gjithë. Po, së paku sa përket pasimeve në “Euro 2016”.
Në dy ndeshjet kundër Shqipërisë dhe Rumanisë, ka dhënë jo më pak se 218 pasime të sakta – më shumë se çdo futbollist tjetër që po luan në garën e madhe në Francë, shkruan e përditshmja zvicerane “Blick”, përcjell “Lajmi.net”.
Atij i afrohet vetëm mesfushori i Gjermanisë, Toni Kroos.
Futbollisti i Real Madridit ka 215 pasime, pra tri më pak.
Xhaka renditet i pari, Kroos i dyti, kurse N’Golo Kante i Francës është i treti me 178 pasime.