Të paktën 800 migrantë janë mbytur gjatë javës së kaluar në tentim për ta kaluar Detin Mesdhe, kumtoi sot agjencia e Kombeve të Bashkuara për refugjatë.
Në kumtesën e UNHCR-së theksohet se ky vit “është treguar si jashtëzakonisht vdekjeprurës” sepse nga fillimi i vitit në anijethyerje dhe barka të përmbytura janë mbytur 2.510 persona, transmeton Tanjug.
Për dallim, në periudhën e njëjtë të vitit të kaluar në incidente të ngjashme kanë pësuar 1.855 migrantë, tregojnë të dhënat e UNHCR-së.
“Kontrabandistët për momentin hipin njerëz në barka të cilat nuk janë të përshtatshme për lundrim. Ndodh që barka të lundrojë dhe menjëherë të vijë deri në mbytje dhe pastaj u bëjnë thirrje ekipeve të shpëtimit t’i shpëtojnë migrantët”, deklaroi zëdhënësi i UNHCR-së, Uilijam Spindler