Prokuroria speciale do të vazhdojë hetimet për personat për të cilët presidenti Gjorge Ivanov tërhoqi faljen. Ekspertëtjuridik, thonë se me tërheqjen e faljes, prokurorët special, kanë dy opsione në dispozicion. I pari është të vazhdohet dhe të zgjerohen hetimet prej para faljes më 12 prill, ndërsa i dyti është që të fillohet me hetim të ri për rastet e njëjta.
“Unë personalisht konsideroj se PSP-ja do të shkojë me kërkesë për zgjerimin e hetimit. Kjo do të thotë se, për shembull zoti Nikolla Gruevski do të thirret në rolin e të akuzuarit në PSP për të dhënë deklaratë nëse hetimi zgjerohet kundër tij”, ka deklaruar Alsat-M, ish-gjykatësi Jovan Joanidis.