Të rinjtë kosovarë më së shumti informohen nga interneti (portalet e rrjetet sociale). Ky është rezultati i një sondazhi të realizuar nga Kolegji “Pjetër Budi”, transmeton Telegrafi.
Sipas rezultateve të sondazhit, 85.3 për qind e të anketuarve janë shprehur se burim të informacionit e kanë internetin, respektivisht portalet dhe rrjetet sociale.
Ndërkaq nga televizionet dhe radiot kanë thënë se informohen 11.8 për qind e tyre.
“Gazetat, si burim të informimit, i shfrytëzojnë 2.9 për qind e të anketuarve”, bëhet e ditur në njoftimin e kolegjit ‘Pjetër Budi’.