Jennifer Lopez është hapur rreth ndarjes nga Marc Anthony, duke pranuar se ajo ende e do atë. Këngëtarja dhe aktorja thotë se ndarja nga martesa e saj e tretë do të paraqitet në librin e saj të ri, ”True Love”. Në një intervistë për ”Glamour”, Lopez ka thënë: ”Po. E dua atë si babanë e fëmijëve të mi dhe si mik timin. Kjo s’do të thotë se ne e kemi pas të shkruar që të jemi gjithmonë të martuar”.
”Ai e di se do të jetë në libër dhe është shumë kureshtar, por është gjithashtu edhe përkrahës i madh i imi. Është fansi im më i madh dhe unë jam fansja më e madhe e tij”.
Lopez thotë se librin e shkroi sepse kishte nevojë për diçka ”më të madhe sesa dhimbja që po e ndjente” në kohën e ndarjes.