Avokatja Danica Çadieva, mysafire në emisionin “Top Tema” në Tv Telma, ka zbuluar se rastësisht ka parë se si njëra nga kandidatet për gjykatëse në Gjykatën për të Drejtat e Njeriut në Strasburg, del nga Komiteti Komunal i VMRO-DPMNE-së në Komunën Qendër, transmeton Portalb.
“Lista e kandidatëve në Strasburg është vetëm edhe një dëshmi se sa i partizuar është ky gjyqësor. Unë do ta them publikisht sepse njëra nga kandidatet e cila është e propozuar për Gjykatën e Strasburgut është kolegia ime, të cilën e pash rastësisht se si del nga Komiteti Komunal i VMRO-DPMNE-së në Qendër. Edhe ajo më pa dhe më mu kthye me fjalët “Të lutem, mos trego”. Kjo është njëra nga bazat për shkarkimin e gjykatësit. Mendoj që Strasburg ka asi mundësi që t’i refuzojë propozimet e tilla”, tha Çadieva.
Përndryshe, për gjykatës në Gjykatën për të Drejtat e Njeriut në Strasburg janë paraqitur përafërsisht 15 gjykatës nga Maqedoni, nga të cilët, Komisioni në Ministrinë e Punëve të Jashtme për disa dit duhet t’i zgjedhë 3, të cilët do të dërgohen si kandidatë në Strasburg. /Portalb
(Video fillon më 1:09:10).
