Lionel Messi është shpallur Lojtari më i mirë i La Ligas për sezonin 2012-13 ndërsa ylli i Real Madridit Cristiano Ronaldo mori çmimin si lojtari më i vlefshëm i sezonit të kaluar.
Sulmuesi i Barcelonës këtë çmim e fitoi për herë të pestë me radhë ndërsa u shpërblye edhe me çmimin si top-sulmuesi i ligës. Shoku i tij i skuadrës Andres Iniesta ishte votuar si mesfushori më i mirë ofensivë.
Ronaldo, i cili mungoi në ceremoninë e ndarjes së çmimit “Topi i Artë” gjatë muajit janar, kësaj radhe ai ishte i pranishëm.
“Është një nderë dhe kënaqësi që po e pranoj këtë çmim”, ka thënë 28-vjeçi gjatë pranimit të çmimit. “Duhet t`i falënderoj shokët e skuadrës dhe gjithë njerëzit që më kanë përkrahur. Do të vazhdoj të punoj në mënyrë që të fitoj sa më shumë çmime”, tha Ronaldo.