Asnjëra nga partitë deri më tani nuk ka dorëzuar listë të anëtarëve për zgjedhje të anëtarëve komunal zgjedhor, mëson “Meta” nga burimet e Komisionit Shtetëror Zgjedhor (KSHZ). Afati për dorëzimin e listave kalon sonte në mesnatë, transmeton Portalb.
Ashtu siç mëson agjencia e lajmeve “Meta”, VMRO-DPMNE-ja, ka përgatitur listë me emra të anëtarëve dhe pritet që sot të njëjtat t’i dorëzojë në Komisionet Zgjedhore Komunale.
Në lidhje me Komisionet Zgjedhore në përfaqësitë diplomatike – konsulare, nga VMRO-DPMNE dhe BDI, kanë dorëzuar propozime për anëtarë.
Nga LSDM-ja, kategorikisht nuk e kanë ndërmend që ta bëjnë atë, sepse nuk do të marrin pjesë në zgjedhje.
Në këtë rast, procedura kërkon që anëtarët e Komisioneve Zgjedhore Komunale të përmbushen nga radhët e administratës.
Sipas Kodit Zgjedhor, dy nga gjithsej pesë anëtarët zgjedhën nga radhën e partive politike më të mëdha në pushtet dhe opozitë dhe në varësi të përbërjes etnike të vendvotimit.
Sipas afateve kohore të KSHZ-së, partitë politike janë të obliguara që t’i dorëzojnë listat për deputetë më së vonëti deri më 11 maj.
Fushata zgjedhore fillon me 16 maj, ndërkaq mbaron me 3 qershor.
Dje, ishte dita e fundit për mbledhjen e nënshkrimeve për propozim të listave me kandidatët për deputetët e Kuvendit të Republikës së Maqedonisë nga grupi zgjedhor për zgjedhjet e parakohshme të 5 qershorit, por deri te departamentet rajonale të KSHZ-së nuk a arritur asnjë listë.
Nga VMRO-DPMNE-ja ende janë të qëndrimit se zgjedhjet do të mbahet me çdo kusht më 5 qershor, LSDM-ja thotë që do t’i bojkotojë, ndërkaq BDI dhe PDSH taktizojnë dhe nuk japin përgjigje precize. /Portalb