“Mbajtja e zgjedhjeve më 5 qershor është e patjetërsueshme. Shtyrja e tyre, për të cilën është çështje se a ka mundësi juridike, dhe vazhdimi i kohëzgjatjes së Qeverisë Teknike ka pasoja ndaj funksionimi të përditshëm të institucioneve”, deklaroi kryeministri Emil Dimitriev, në lidhje me mbajtjen e zgjedhjeve të parakohshme parlamentare më 5 qershor, gjatë vizitës së kazermës “Ilinden” në Shkup, njofton Portalb.
“E kemi shpjeguar këtë çështje dhe përsëri e konfirmoj qëndrimin tim dhe të Qeverisë se zgjedhjet e 5 qershorit janë të patjetërsueshme. Fillimisht, nuk jam i sigurt se a mundet që të shtyhet data e zgjedhjeve. Pastaj, nga aspekti praktik, dua që të them se prolongimi i zgjedhjeve dhe vazhdimi i kohëzgjatjes së Qeverisë Teknike ka pasoja ndaj funksionimit të përditshëm të institucioneve në vend.