Tre punëtorë dhe një zjarrfikës janë lënduar si pasojë e përfshirjes së zjarrit në fabrikën “Geris”, e cila gjendet në rrugën Ferizaj-Shkup.
Ekipet e zjarrfikësve kanë arritur në vendin e ngjarjes dhe kanë vënë nën kontroll flakët.
Ata kanë kërkuar ndihmë nga zjarrfikësit e Kaçanikut, Lipjanit, Shtimes ndërsa në vendin e ngjarjes ndodhen edhe Policia e Kosovës dhe disa pjesëtarë të KFOR-it. Në këtë fabrikë që prodhon këpucë, janë të punësuar mbi 200 punëtorë.
