Forcat izraelite të sigurisë gjatë gjashtë muajve të fundit kanë arrestuar së paku 1.899 fëmijë palestinezë në rajonin e Bregut Perëndimor, Jerusalemin Lindor dhe Gazën e pushtuar, raporton Anadolu Agency (AA).
Me rastin e Ditës së Fëmijëve palestinezë, Organizata për Çlirimin e Palestinës (PLO) shpalosi një raport për arrestimin e fëmijëve palestinezë që nga fillimi i kryengritjes palestineze kundër pushtimit izraelit i cili filloi në tetor të vitit të kaluar.
Në raport thuhet se numri i të miturve të arrestuar përbën 37 përqind të numrit të përgjithshëm të palestinezëve të cilët ushtria izraelite i ka arrestuar në gjysëmvjetorin e kaluar.